பாட்டாளி மக்கள் கட்சியின் (பாமக) தலைவர் யார் என்பது தொடர்பான குழப்பமும் பஞ்சாயத்தும் இன்னமும் ஓயவில்லை. ஈஸ்டர் தினத்தை முன்னிட்டு பாமகவின் டாக்டர் ராமதாஸ், அவரது மகன் அன்புமணி ராமதாஸ் இருவரும் வெளியிட்ட வாழ்த்துச் செய்தி அறிக்கைகளில் ‘பாமக தலைவர்’ என்றே குறிப்பிட்டிருப்பதால் இந்த அக்கப்போர் இன்னமும் முடிவுக்கு வரவில்லையே என புலம்புகின்றனர் பாமக தொண்டர்கள்.